İrana qarşı təzyiq artır: ABŞ yeni sanksiyalar tətbiq etdi

ABŞ İranla bağlı sanksiyalar siyahısına 10 hüquqi şəxs və səkkiz tankeri əlavə edib. Avtosfer.az Oxu.az-a istinadən xəbər verir ki, müvafiq bildiriş ABŞ Maliyyə Nazirliyinin Xarici Aktivlərə Nəzarət İdarəsinin (OFAC) saytında yerləşdirilib.

Qeyd edilir ki, məhdudiyyətlər İran, Honq-Konq və Marşal adalarında yerləşən şirkətlərə qarşı tətbiq edilib. Sanksiya siyahısına salınmaq ABŞ-dəki aktivlərin dondurulması, habelə ABŞ vətəndaşlarına və şirkətlərinə bu siyahıda olan şəxslərlə biznes aparmağın qadağan edilməsi deməkdir.