İranın ali lideri zərbədən sağ çıxıb - Tramp detalları AÇIQLADI

"İranın ali lideri Müctəba Xamenei İrana endirilən zərbədən sonra ağır yaralanmışdı, lakin sağ qaldı".

Avtosfer.az TASS-a istinadən bildirir ki, bu barədə ABŞ Prezidenti Donald Tramp mühafizəkaryönlü radioaparıcı Qlenn Bekə müsahibəsində danışıb.

"Mən onun öldüyünü düşünmürəm. O, bədəninin sol tərəfindən çox ciddi yara almışdı. Ağır yaralanmışdı, amma düşünmürəm ki, ölüb", - deyə Tramp bildirib.

Xatırladaq ki, ABŞ və İsrail fevralın 28-də İrana qarşı müharibəyə başlayıblar. İyun ayında Vaşinqton və Tehran Livan da daxil olmaqla, bütün cəbhələrdə hərbi əməliyyatların dərhal dayandırılmasını nəzərdə tutan anlaşma memorandumu imzalayıblar. Lakin iyulun 8-nə keçən gecə ABŞ İrana qarşı genişmiqyaslı hücumları bərpa edib və İranı Hörmüz boğazı ilə bağlı əldə edilən razılaşmaların şərtlərini pozmaqda ittiham edib.