İraqda daşqınlar baş verib: 21 ölü, 180 yaralı

İraqda onlarla insan daşqınların qurbanı olub. Avtosfer.az "Report"a istinadən xəbər verir ki, bu barədə ölkənin Səhiyyə Nazirliyinin nümayəndəsi Seyf Bədrə məlumat yayıb. O, bildirib ki, İraqın ayrı-ayrı vilayətlərində leysan yağışların səbəb olduğu daşqınlar 21 nəfərin həyatına son qoyub. Daşqınlar zamanı həmçinin 180 nəfər xəsarət alıb. Telekanal daha əvvəl daşqınlar səbəbindən Şerqat rayonunda 3 min evin su altında qalması, azı 7 nəfərin ölməsi barədə məlumat yayıb. Qeyd edək ki, son günlər İraqda aramsız leysan yağışlar yağır.