İsrail hərbçiləri ilə toqquşmalarda 55 fələstinli öldü, 3 minə yaxını yaralandı 

Qəzza zolağında fələstinli etirazçılarla İsrail hərbçiləri arasında baş verən toqquşmalarda ölənlərin sayı 55 nəfərə çatıb,  2771 nəfər yaralanıb. Avtosfer.az xəbər verir ki, bu barədə  “RİA Novosti” agentliyinə  yerli tibb xidmətinin rəsmi nümayəndəsi Əşrəf əl-Kidra məlumat verib.

“İsrail təcavüzünün bugünkü nəticələri  belədir – 7-si uşaq və 1-i qadın olmaqla 55 nəfər həyatını itirib, 79-u qadın olmaqla 2 771 nəfər müxtəlif dərəcəli xəsarətlər alıb”, deyə nazirlik rəsmisi qeyd edib.

Onun sözlərinə görə, martın 30-dan etibarən Qəzza zolağında 104 fələstinli ölüb, 12 mindən çoxu yaralanıb.

Fələstin prezidenti Mahmud Abbas 3 günlük matəm və ümummilli tətilin başlanmasını elan edib. 

ABŞ-ın İsraildəki səfirliyinin Tel-Əvivdən Qüdsə köçürülməsindən sonra baş verən hadisələrlə əlaqədar Türkiyədə 3 günlük matəm elan olunub. 

Avtosfer.az