İstanbulda körpü Azərbaycan bayrağına büründü

İstanbul boğazındakı “15 iyul şəhidləri” körpüsü mayın 27-də gecə saatlarından səhərədək Azərbaycanın üç rəngli bayrağının rənglərində işıqlandırılıb. Avtosfer.az Azərtac-a istinadən xəbər verir ki, körpünün işıqlandırılması bu gündə də davam edəcək. Bu barədə razılaşma Azərbaycanın İstanbuldakı baş konsulluğu ilə Türkiyənin nəqliyyat, kommunikasiya və dənizçilik nazirliyi arasında əldə olunub. Qeyd edək ki, körpü ötən il də Azərbaycan bayrağının rənglərində işıqlandırılıb.