İtaliyada mafiya əməliyyatı - "Xaç atası" saxlanıldı

İtaliyanın Siciliya vilayətində "Koza Nostra" mafiyasına qarşı genişmiqyaslı əməliyyat keçirilib. Avtosfer.az Trend-ə istinadən xəbər verir ki, Palermo şəhərində keçirilmiş əməliyyat nəticəsində 46 nəfər saxlanılıb. Həmin şəxslərə qarşı qarət, mütəşəkkil cinayətkarlıq, qanunsuz silah saxlama, şantaj və digər ittihamlar irəli sürülüb. Saxlananlar arasında "Koza Nostra"nın yeni "xaç atası" hesab olunan 80 yaşlı Settimo Mineo da yer alıb. S.Mineo bu ilin mayında vəfat etmiş Toto Riinanın yerinə təşkilatın başçısı seçilmişdi.