İtlər Badamdarı “işğal edib” – VİDEO

Badamdar qəsəbəsində sahibsiz itlər təhlükə mənbəyinə çevrilib. Avtosfer.az xəbər verir ki, sözü gedən qəsəbənin, Göyüş Qarayev küçəsinin sakinləri tərəfindən Baku TV-yə müraciət daxil olub. Qəsəbə sakinlərinin sözlərinə görə, sahibsiz itlər böyüklər və azyaşlılar üçün təhlükə mənbəyinə çevrilib. Xüsusilə axşam saatlarında sahibsiz itlər, demək olar ki, ərazini mühasirəyə alırlar. Sakinlər bildirir ki, uşaqlar hər gün məktəbə qorxu içində gedirlər. Bir həftə əvvəl itlərin digər məhəllədə yaşayan uşaqlardan birinə hücum etməsi isə həm valideynləri, həm də uşaqları daha da təşvişə salıb.