Karxanada traktorçunun ölümü ilə bağlı cinayət işi başlandı - İmişlidə

İmişli rayonunda qum-çınqıl karxanasında baş verən ölüm hadisəsi ilə bağlı cinayət işi başlanıb. Trend-in məlumatına görə, rayonun Şahverdili kəndi ərazisində Hüseynov Eldar Abı oğluna məxsus qum-çınqıl karxanasında rayonun Bəhrəmtəpə qəsəbə sakini, 1990-cı il təvəllüdlü Məmmədov Fariz Valeh oğlu traktorun idarəetməsini itirərək karxana ərazisindəki kanala aşırıb. Nəticədə F.Məmmədov kanalda boğulub ölüb.

Faktla bağlı İmişli rayon Polis Şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsilə cinayət işi başlanıb, istintaq aparılır.