Keçmiş arvadını öldürən şəxsin apellyasiya şikayəti təmin edilməyib

Bakı Apellyasiya Məhkəməsində qətl törətməkdə təqsirləndirilən Rahib Babayev barəsində olan hökmdən verilən apellyasiya şikayəti üzrə məhkəmə iclası başa çatıb. Avtosfer.az-ın "Report"a istinadən xəbərinə görə, hakim İlqar Murquzovun sədrliyi ilə keçirilən prosesdə qərar elan olunub. Qərara əsasən, R.Babayevin apellyasiya şikayəti təmin edilməyib. İttiham aktına əsasən, qətl hadisəsi bu il yanvarın 23-də Hasil Bayramov küçəsi, ev 67 ünvanında qeydə alınıb. Bakı Ağır Cinayətlər Məhkəməsinin hökmü ilə R.Babayev 11 il müddətinə azadlıqdan məhrum edilib.