Köhnə avtomobil sürənlərə VACİB XƏBƏR: Məhdudiyyətlər tətbiq edilə bilər...

Şəhər mərkəzlərində havanın çirklənməsi və nəqliyyatın ekoloji təsirləri son illər cəmiyyətin əsas müzakirə mövzularından birinə çevrilib. Xüsusilə, köhnə və normadan artıq tüstü buraxan avtomobillərin paytaxtın mərkəzi küçələrində hərəkəti ilə bağlı məhdudiyyətlərin tətbiqi məsələsi ictimai maraq doğurur.

Şadlıq evlərində hansı yanğın təhlükəsizliyi qaydalarına riayət edilmir? – EKSPERT AÇIQLADI

Maraqlıdır, bu cür qadağalar ekoloji vəziyyətin yaxşılaşmasına real töhfə verə bilərmi, yoxsa mövcud nəzarət mexanizmləri kifayət qədər effektlidir?

Avtosfer.az-ın məlumatına görə, mövzu ilə bağlı Konkret.az-a açıqlama verən nəqliyyat eksperti Eldəniz Cəfərov bildirib ki, hazırda Azərbaycanda bu sahədə müəyyən nəzarət mexanizmləri mövcuddur:

“Bizim ölkəmizdə demək olar ki, hər rübdə “Təmiz hava aylığı”keçirilir. Bu tədbirlər əsasən DYP tərəfindən təşkil olunur və prosesə Ekologiya və Təbii Sərvətlər Nazirliyi də cəlb edilir. Atmosferə normadan artıq zərərli qaz buraxan avtomobillər aşkarlanır və sürücülər cərimə edilir”.

Ekspertin sözlərinə görə, yoxlamalar zamanı texniki nasazlığı olan nəqliyyat vasitələrinin sahiblərinə problem aradan qaldırılması tövsiyə olunur:

“Avtomobildəki nasazlığın aradan qaldırılması ilə bağlı sürücülərə xəbərdarlıq edilir. Bu baxımdan düşünmürəm ki, əlavə qadağalar tətbiq etməklə daha yaxşı nəticə əldə etmək mümkündür. Hazırda mövcud sistem işləkdir və effektiv şəkildə fəaliyyət göstərir”.

Eldəniz Cəfərov hesab edir ki, mövcud nəzarət mexanizmləri saxlanılmaqla və davamlı yoxlamalar aparılmaqla havanın çirklənməsinin qarşısını almaq mümkündür.