Kollecin qarşısında tələbə həmyerlisini bıçaqladı - Bərdədə

Bərdə rayonunda bıçaqlanma hadisəsi baş verib. Avtosfer.az-ın Trend-ə istinadən məlumatına görə, hadisə rayon ərazisindəki Bərdə Texnologiya Kollecinin qarşısında baş verib. Bərdə rayon sakini, 1997-ci il təvəllüdlü Süleymanlı Emin Kərim oğlu şəxsi münasibətlər zəminində rayon sakini, 1988-ci il təvəllüdlü Məmmədov Natiq Çingiz oğlu ilə mübahisə edib. Mübahisə nəticəsində E.Süleymanlı N.Məmmədova 3 bıçaq zərbəsi vurub. Faktla bağlı Bərdə rayon Polis Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb və E.Süleymanlı tutularaq istintaqa təhvil verilib.