Komitə sədri qəzalı binalarda köçkünlərlə görüşdü - FOTO

Bu gün  Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Bakının Xətai, Binəqədi və Nərimanov rayonlarında bir neçə  yataqxana və inzibati binalarda məskunlaşan məcburi köçkünlərlə görüşüb. Komitədən Avtosfer.az-a istinadən verilən məlumata görə, Dövlət Komitəsinin  sədri məcburi köçkünlərin yaşadıqları yerlərə baş çəkib, onların problemləri ilə yerində tanış olub.

Dövlət Komitəsinin sədri qeyd edib ki, öncə qəzalı binalarda, ağır şəraitdə yaşayan məcburi köçkünlərin problemləri mərhələli şəkildə həll ediləcək.

R.Rzayev digər rayonlarda da məcburi köçkünlərlə bu cür görüşlərin keçirilməsinin nəzərdə tutulduğunu vurğulayıb.

Avtosfer.az