Konteyner gəmisinin nasazlığı boğazda həyəcanlı anlar yaşadıb

Çanakkala boğazında texniki nasazlıq səbəbindən Türkiyə bayrağı altında üzən "Med Denizli" konteyner gəmisi həyəcanlı anlar yaşadıb. Avtosfer.az Azərtac-a istinadən bildirir ki, Yunanıstanın "Pire" limanından 10 min 925 ton yüklə gələn 152 metr uzunluğunda gəminin idarəolunmaz hala düşməməsi üçün lövbərə alınıb. Bundan başqa, qoşqu gəmiləri köməyə gələrək "Med Denizli"nin sahilə doğru irəliləməsinin qarşısını alıb. Ən son məlumata görə, "Med Denizli" gəmisi qoşqu ilə limana çəkilib.