Konvoya hücum oldu: 2 ölü, 5 yaralı

Əfqanıstanın şimalında intiharçı-kamikadzenin NATO konvoyuna hücumu nəticəsində 2 mülki şəxs ölüb, 2 mülki şəxs və 3 hərbçi yaralanıb. Avtosfer.az “Report”a istinadən xəbər verir ki, bunu Pərvan rayonunun polis rəisi Mahfuz Vəlizadə deyib. Bildirilib ki, hadisə konvoy NATO-nun Baqramdakı hərbi bazasının yaxınlığından keçərkən baş verib. NATO rəsmiləri məsələ ilə bağlı açıqlama verməyiblər. Hücumun məsuliyyətini üzərinə götürən “Taliban” isə hadisə nəticəsində ABŞ-ın 3 hərbçisinin öldüyünü bildirib.