Köşkün satıcısını hədələyərək 1200 manat aparan şəxs tutulub - Bakıda

Bakıda köşkün satıcısını hədələyərək 1200 manat aparan şəxs tutulub. DİN-dən Avtosfer.az-a verilən məlumata görə, Binəqədi RPİ 5-ci PB əməkdaşlarının keçirdikləri əməliyyat-axtarış tədbirləri nəticəsində cari il avqustun 15-də M.K.Atatürk prospektindəki köşklərdən birindəki satıcını bıçaqla hədələyib oradan 1200 manat və tütün məmulatı aparmaqda şübhəli bilinən Bakı şəhər sakini, əvvəllər məhkum olunmuş Zaur Əkbərov saxlanılıb.