"LUKOIL" xarici aktivlərinə vahid alıcı axtarır

ABŞ Maliyyə Nazirliyinin sanksiya siyahısına daxil edilən Rusiyanın "LUKOIL" şirkəti xarici aktivləri üçün vahid alıcı axtarır.

Avtosfer.az xəbər verir ki, bu barədə "Bloomberg" mənbələrinə istinadən məlumat yayıb.

Məlumata görə, məşhur şirkət aktivlərini hissə-hissə satmaq əvəzinə, birdəfəlik razılaşmaya üstünlük verməyə çalışır.

Qeyd olunur ki, "ExxonMobil", "Chevron", "Abu Dhabi National Oil" və Amerika investisiya fondu "Carlyle" kimi nüfuzlu şirkətlər "LUKOIL"a maraq göstərirlər.

Bununla belə, həmin qurumları konkret biznes seqmentləri maraqlandırır ki, bu da danışıqlarda çətinlik yaradır.

Nəşrin iddiasına görə, Rusiya şirkətinin aktivləri iki mərhələdə satıla bilər. Əvvəlcə bir alıcı şirkətin bütün səhmlərini alır, sonra isə aktivlər hissə-hissə satışa çıxarılır.