Masazırda bir nəfər torpaq uçqununun altında qaldı -FOTOLAR

Masazırda bir nəfərin torpaq uçqununun altında qalaraq dünyasını dəyişdiyi bildirilir.

Hadisə şahidlərinin Press.az-a verdiyi məlumata görə hadisə 12:00 - 13:00 radələrində Masazır qəsəbəsi Heydər Əliyev küçəsində baş verib. Torpaq uçqunu altında qalan şəxsin kimliyi ilə bağlı dəqiq məlumat yoxdur. Lakin şahidlərin verdiyi məlumata görə, həmin şəxs "Azərsu" ASC-nin əməkdaşıdır. 26 yaşı var.

Digər şahidlərinin dedikləri məlumata görə, həmin şəxs qazıntı işləri apararkən torpaq ucqununun altında qalaraq dünyasını dəyişib.

Dünyasını dəyişən şəxsə rəhmət, ailəsinə səbr diləyirik.

Hadisə yerindən Press.az-a göndərilən şəkilləri sizlərə təqdim edirik.