Maşın evinin qarşısında dayanan kişini vurub - Sabirabadda

Axşam saatlarında Sabirabad rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın “Report”a istinadən məlumatına görə, rayonun Suqovuşan kəndi ərazisində hərəkətdə olan "VAZ-2106" markalı avtomobil yaşadığı evin qarşısında 1981-ci il təvəllüdlü yerli sakin İsmayılov Bəxtiyar Səfər oğlunu vurub. Avtomobilin sürücüsü müxtəlif dərəcəli bədən xəsarətləri alan yaralını Sabirabad Rayon Mərkəzi Xəstəxanasına çatdırıb. Faktla bağlı araşdırma aparılır.