Maşın parkinqdə itdi - Polis 6 ay sonra tapdı

Polis 6 ay əvvəl parkinqdə maşınını itirən şotlandı sevindirib. Avtosfer.az Musavat.com-a istinadən xəbər verir ki, 2016-cı ilin iyununda şotland öz dostundan BMW maşınını istəyib. O, bu maşınla Mançesterdə keçirilən “The Stone Roses” qrupunun konsertinə qatılmaq istəyib. Amma tədbirdən sonra kişi maşınını tapa bilməyib. Çünki o, maşınını park etdiyi yeri unudub. Beş gün boyunca çoxmərtəbli dayanacaqda maşınını tapmağa çalışıb, amma buna nail olmayıb. Maşın sahibi daha sonra problemin həlli üçün müxtəlif kampaniyalara və şəhər bələdiyyəsinə müraciət edib. Nəticədə 2 ay sonra maşınla bağlı axtarış elan edilib. Yeni il ərəfəsində isə polis əməkdaşları maşını aşkar ediblər. Məlum olub ki, keçən 6 ay müddətində maşın elə dayanacaqda olub. Amma sahibi üçün maşının tapılması da dərd olub. Çünki o, parkinq xidməti üçün 6 aylıq müddətin pulunu ödəməlidir. Bu isə yetərincə böyük məbləğ sayılır.