Maskalı şəxslər səfirliyə hücum etdi

Kanadanın Afinadakı səfirliyinə hücum olub. Avtosfer.az “qafqazinfo”ya istinadən xəbər verir ki, 10-a yaxın maskalı şəxs əllərindəki boyaları pəncərələrə və divarlar vurublar. Giriş qapısının pəncərəsi isə sındırılıb. Hadisənin hansı qruplaşma tərəfindən və nə səbəblə törədildiyi bilinmir. Yunanıstan Xarici İşlər Nazirliyi açıqlama yayaraq hadisəni qınayıb və bunun iki ölkə arasındakı əlaqələrə təsir etməyəcəyi barədə təminat verib. Hazırda həmin maskalı şəxslər axtarılır.