Maştağada pirotexniki vasitələr aşkarlandı

Sabunçu Rayon Polis İdarəsi 14-cü Polis Bölməsi əməkdaşları tərəfindən keçirilən tədbir zamanı Maştağa qəsəbəsində partlayıcı və tezalışan maddələrin topdan satışı ilə məşğul olan paytaxt sakini Əsəd Quliyev müəyyən edilərək saxlanılıb. Avtosfer.az "qafqazinfo"ya istinadən məlumatına görə, onun yaşadığı evdən anbar kimi istifadə olunan yarımtikilidən satış üçün nəzərdə tutulan 2500 ədəd müxtəlif çeşiddə yüksək səsyayıcı xüsusiyyətə malik partlayıcı pirotexniki vasitələr aşkar edilərək götürülüb.

Qeyd edilən faktlarla bağlı İnzibati Xətalar Məcəlləsinin 442.ci ( İstehsalı və ya satılması qadağan olunmuş malların istehsalı və ya satılması, yaxud qadağan olunmuş işlərin (xidmətlərin) yerinə yetirilməsi) maddəsi ilə protokol tərtib edilərək məhkəməyə göndərilib.