Maştağadakı bu yolda qaz boruları səkini tutub: Piyadalar üçün ciddi təhlükə - VİDEO

Paytaxtın Sabunçu rayonu, Maştağa qəsəbəsinin Axund Şeyx Hüseyn küçəsində piyadaların təhlükəsiz hərəkət etməsi üçün nəzərdə tutulan səkilər qaz xətləri ilə tutulub.
Avtosfer.az xəbər verir ki, səkiyə paralel şəkildə çəkilmiş qaz boruları piyadaların normal şəkildə gediş-gəlişinə ciddi maneə yaradır.

Məsələ ilə bağlı ərazidə çəkilən görüntülərdən də aydın olur ki, borular səkiləri tamamilə zəbt edib. Nəticədə, piyadalar məcburiyyət qarşısında qalaraq avtomobillərin intensiv hərəkət etdiyi yolun kənarı, bəzən isə yolun ortası ilə hərəkət edirlər. Bu isə həm piyadaların, həm də sürücülərin təhlükəsizliyini riskə atır.

Sakinlərin sözlərinə görə, problem uzun müddətdir mövcuddur və dəfələrlə aidiyyəti qurumlara müraciət olunsa da, heç bir tədbir görülməyib.

Eltac Zülfüqaroğlu