Məhbusun həyətindən tapança və narkotik maddə tapılıb - FOTO

Penitensiar Xidmətin və Şəki Penitensiar müəssisəsinin əməliyyat aparatlarının və Daxili İşlər Nazirliyinin əməkdaşları birgə əməliyyat keçirib. Xidmətin İctimaiyyətlə əlaqələr şöbəsindən Avtosfer.az-a bildirilib ki, əməliyyat tədbiri nəticəsində Cinayət Məcəlləsinin 228.1, 237.2.3 və 66.3-cü maddələri ilə 5 il 6 ay müddətinə azadlıqdan məhrum edilmiş Dibirov Şadnus Nasruddin oğlunun əvvəllər yaşadığı Balakən rayon ərazisindəki evinin həyətində torpağa basdırılmış 1 ədəd Makarov tipli tapança və 240 qram narkotik vasitə - marixuana aşkar edilərək götürülüb. Fakt üzrə Balakən rayon Polis şöbəsində araşdırma aparılır.

Namiq