Məktəblilərin payız tətili başa çatıb

Azərbaycanın ümumi təhsil müəssisələrində təhsil alan şagirdlərə verilən payız tətili başa çatıb.  Avtosfer.az "Report"a istinadən xəbər verir ki, tətil noyabrın 16-dan 21-dək davam edib. Tədris ilinin 5 günlük qış tətili gələn ilin yanvarın 27-dən 31-dək olacaq. Qeyd edək ki, ümumi təhsil müəssisələrində dərslər sentyabrın 15-də başlayıb və iyunun 14-də başa çatacaq. Tədris ilinin birinci yarımili 15 sentyabr - 26 yanvar, ikinci yarımili 1 fevral - 14 iyunu əhatə edir.