Mənzilə oğurluğa girənlər ev sahibi ilə əlbəyaxa oldular - Gədəbəydə

Gədəbəy rayonunda mənzildən külli miqdarda pul oğurlanıb. Avtosfer.az-ın Trend-ə istinadən məlumatına görə, hadisə rayonun Səbətkeçməz kəndində baş verib. Kənd sakini, 1962-ci il təvəllüdlü Musayeva Naibə Əlağa qızının evinə naməlum şəxslər basqın edib. Həmin şəxslər evə daxil olaraq oradan 9 min 536 manat pulu götürüb evdən çıxarkən N.Musayeva ilə qarşılaşıb. Qarşılaşma zamanı qadınla əlbəyaxa olub onu yıxaraq hadisə yerindən qaçıblar. Faktla bağlı Gədəbəy rayon Polis Şöbəsində Cinayət Məsəlləsinin 180.2.3-cü maddəsilə cinayət işi başlanıb.