Məşhur milyarderin ölüm anının VİDEOsu yayıldı

İngiltərənin "Lester Siti" futbol klubunun prezidenti, tay milyarder, "King Power Duty Free" şirkətinin sahibi Viçay Şrivaddanaprabhanın və daha 4 nəfərin olduğu Agusta Westland AW169 markalı helikopterin qəza anının videosu yayılıb. Avtosfer.az milli.az-a istinadən bildirir ki, kadrlarda helikopterin yüksəyə qalxandan sonra qəflətən fırlanmağa başlayaraq yerə düşdüyü aydın görünür. 60 yaşlı milyarderin özəl helikopteri "Lester Siti"in "King Power Arena" stadionunda oktyabrın 27-də, "Vest Hem Yunayted"ə qarşı matçdan bir saat sonra, havaya qalxandan bir neçə dəqiqə sonra yerə düşərək alışıb. Qəzada 5 nəfər həlak olub. Helikopterin pilotu Erik Svaffer daha böyük faciənin qarşısını alıb, nasaz helikopteri stadiondan kənara yönəldib. Helikopterin quyruq vinti sıradan çıxıbmış. Qəzada Viçay Şrivaddanaprabha, onun köməkçiləri Nursara Suknamay və Kaveporn Punpare, İzabella Roza Lexoviç və pilot Erik Şvaffer həlak olublar. Avtomobil dayanacağının yanına düşən helikopteri yanğınsöndürənlər 20 dəqiqəyə söndürüblər.