MI6-nın keçmiş şefindən şok etiraf: ABŞ İrana uduzub

"Həqiqət budur ki, ABŞ tapşırığın çətinliyini lazımınca qiymətləndirməyib və düşünürəm ki, təşəbbüsü təxminən iki həftə əvvəl İrana uduzub".

Avtosfer.az Ölkə.az-a istinadən xəbər verir ki,  bunu Britaniya kəşfiyyat xidməti MI6-nın keçmiş rəhbəri Aleks Yanqer “The Economist”ə müsahibəsində ABŞ-İsrail-İran müharibəsini şərh edərkən deyib.
"Keçən ilin iyun ayında (2025-ci il) onlar hərbi imkanlarını tədricən azaltmaq və bu silahlardan istifadə səlahiyyətlərini başqalarına həvalə etmək barədə bəzi yaxşı qərarlar qəbul etdilər. Bu, onlara son dərəcə güclü hava hücumlarına qarşı əhəmiyyətli dərəcədə müqavimət göstərdi", - o qeyd edib.

İranın "üfüqi eskalasiya strategiyası" həyata keçirdiyini bildirən Yanqer deyib ki, Tehran Körfəz ölkələrinə raket atmaqla və beləliklə, ABŞ-a təzyiq göstərməklə hərəkət etdilər.
Keçmiş MI6 şefi bildirib ki, Tehran enerji müharibəsinin əhəmiyyətini başa düşdüyündən Hörmüz boğazını təhlükə altında saxlamaqla onlara üstünlük verəcək şəkildə münaqişəni qloballaşdırdılar. “Bu, onlara müəyyən vasitələr verdi. Onlar zəif kartlarını yaxşı oynadılar", - Mİ6-nın sabiq şefi vurğulayıb.

Onun fikrincə, Hörmüz boğazının nəzarəti İrana müharibədə üstünlük qazandırdı.
Aleks Yanqer müsahibəsində karyerası boyunca SEPAH-a qarşı vuruşduğunu və İranın üstünlük təşkil etdiyi qənaətinə görə təəssüfləndiyinidə qeyd edib.