Milyarderin ölüm anının yeni VİDEOsu

İngiltərənin "Lester Siti" futbol klubunun prezidenti, tay milyarder, "King Power Duty Free" şirkətinin sahibi Viçay Şrivaddanaprabhanın və daha 4 nəfərin olduğu Agusta Westland AW169 markalı helikopterin qəza anının yeni videosu yayılıb. Avtosfer.az milli.az-a istinadən bildirir ki, kadrlarda helikopterin yüksəyə qalxandan sonra qəflətən fırlanmağa başlayaraq yerə düşdüyü aydın görünür. Helikopterin quyruq vinti sıradan çıxdığına görə qəza baş verib. Qəzada Viçay Şrivaddanaprabha, onun köməkçiləri Nursara Suknamay və Kaveporn Punpare, İzabella Roza Lexoviç və pilot Erik Şvaffer həlak olublar. Yanğınsöndürənlər avtomobil dayanacağının yaxınlığına düşən helikopteri 20 dəqiqəyə söndürüblər.