Mingəçevirdə kütləvi davada 2 nəfər bıçaqlanıb

Mingəçevir şəhərində kütləvi dava olub. Avtosfer.az ”Report”a istinadən xəbər verir ki, hadisə şəhərin Tərəvəzçilik yaşayış massivinda baş verib. Belə ki, iki ailə arasında düşən davada iki nəfər bıçaqlanaraq müxtəlif dərəcəli bədən xəsarətləri alıb. Əldə edilən məlumata əsasən kütləvi dava mal-qaranın otarılması üstündə baş verib. Şəhər sakini Şahvələd Mahmudov, onun iki oğlu - Afiq Mahmudov və Sahib Mahmudovla şəhər sakinləri Anar Quliyev və Rüstəm Kərimov arasında baş verən mübahisə zəmnində iki nfər bıçaqlanıb. Bıçaqlanan şəxslər, A.Quliyev və R.Kərimov ağır vəziyyətdə Mingəçevir Şəhər Mərkəzi Xəstəxanasına çatdırılıb. Yaralılardan A.Quliyevin vəziyyəti ağır olduğundan əməliyyat olunub və müalicəsi davam etdirilir.

Faktla bağlı araşdırma aparılır.