Miqrantlara qarşı etiraz aksiyaları başladı - Təcavüz hadisələri çoxalıb

Almaniyada miqrantlara qarşı etiraz aksiyası keçirilir. Avtosfer.az milli.az-a istinadən xəbər verir ki, 18 yaşlı tələbənin zorlanmasından sonra minlərlə yerli sakin küçələrə axışaraq miqrantların törətdikləri qanunsuz əməllərə qarşı çıxıblar. Almaniyanın cənubunda yerləşən Frayburq şəhərində 2000-dən çox yerli sakin küçələrə çıxaraq kansler Anqela Merkelin miqrantlarla bağlı apardığı siyasətə və Suriyalı qaçqınlara etiraz ediblər. Onlar miqrantlarla bağlı qaydaların sərtləşdirilməsini tələb edirlər. Təcavüz hadisəsindən sonra 7 suriyalı və 1 alman vətəndaşı şübhəli kimi saxlanılıb. Onlar bu hadisədən əvvəl də polisin "radar"ına düşən şəxslərdir.