Mitinq meydanında partlayış: 4 ölü, 31 yaralı

Pakistanda seçkiqabağı mitinq keçirilən ərazidə törədilən partlayış nəticəsində 4 nəfər ölüb, azı 31 nəfər yaralanıb. Avtosfer.az “Report”a istinadən xəbər verir ki, hadisə ölkənin qərbində yerləşən Heybər-Paxtunxva əyalətinin Bannu şəhərində baş verib. Partlayış “Müttəhid Məclis-e-Amal” Alyansının lideri Ahram Xan Durraninin tərəfdarlarının mitinq keçirdiyi ərazidə olub. O, iyulun 25-də keçiriləcək parlament seçkilərində namizəd olaraq iştirak edir.

Hadisə yerinə 40-dan çox polis əməkdaşı cəlb edilib. Ahram Xan Durrani bildirib ki, bu ona qarşı 5-ci hücumdur: “Polis mənə hücum təhlükəsi barədə məlumat vermişdi. Bu hücum nəticəsində avtomobilim məhv olub”.