Nadir ay meteoriti hərracda 612,5 min dollara satılıb

ABŞ-da "RR Auction" hərracında çəkisi 5,5 kq olan nadir ay meteoriti 612,5 min dollara satılıb. Avtosfer.az "Report"a istinadən xəbər verir ki, sövdələşmə oktyabrın 19-da gecə saatlarında baş tutub. Hərracın saytında bildirilir ki, "Ay pazzlı" kimi tanınan qiymətli daş altı fraqmentdən ibarətdir. Meteorit 2017-ci ildə Afrikanın şimal-qərbindəki səhrada tapılıb.