Naxçıvanda külək fəsadlar törədib, Gəncədə küçələri su basıb

Naxçıvan Muxtar Respublikası ərazisində küləkli hava müşayiət olunur. Avtosfer.az APA-ya istinadən xəbər verir ki, bu gün günortadan sonra başlayan şiddətli külək bəzi fəsadlar törədib. Xüsusilə, Naxçıvan şəhərində əsən külək ağacları qırıb, bəzi evlərin dam örtüyünə ziyan vurub. Həmçinin, şəhərin əksər hissələrində elektrik enerjisinin verilməsində fasilələr yaranıb.

Qeyd edək ki, sentyabrın 19-dan 22-dək Naxçıvan Muxtar Respublikası ərazisində hava şəraitinin arabir yağıntılı olacağı, şimşək çaxacağı gözlənilir. Ayrı-ayrı yerlərdə leysan xarakterli olacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var.