Naxçıvanda yaşı 100-dən artıq olan seçicilərin sayı 2 nəfərdir

Naxçıvanda məntəqələr bələdiyyə seçkilərində səsvermə üçün açılıb.

Avtosfer.az xəbər verir ki, saat 08:00-da muxtar respublikada 6 dairə üzrə 330 seçki məntəqəsi açılıb.

Seçicilər saat 19:00-a qədər səsvermədə iştirak edə biləcəklər.

Qeyd edək ki, Naxçıvan Muxtar Respublika üzrə seçicilərin ümumi sayı 286 956 nəfərdir. Seçkilərdə 44 bələdiyinin 512 üzvü üçün 970 namizəd mübarizə aparır. İlk dəfə iştirak edən seçicilərin sayı 1 889 nəfərdir.

Muxtar respublikada yaşı 100-dən artıq olan seçicilərin sayı 2 nəfərdir. Ən yaşlı seçici - 1920-ci il təvəllüdlü Hüseynəliyeva Şərəf Muxtar qızının 105 yaşı var. O, 15 saylı Qıvraq seçki dairəsinin 1 saylı Qıvraq məntəqəsində qeydiyyatdadır. Digər yaşlı seçici isə 1923-cü il təvəllüdlü Səfərov Abdulla Qasım oğludur ki, onun da 102 yaşı var. O, 6 saylı Ordubad-Culfa seçki dairəsinin 46 saylı seçki məntəqəsində qeydiyyatdadır.