"Nənə ilə zarafat təhlükəlidir": qadın alliqatoru güllələdi - FOTO

ABŞ-ın Texas ştatının yaşlı sakini itmiş poni atına görə alliqatordan qisas almaq qərarına gəlib. Avtosfer.az "ölkə.az"-a istinadən bildirir ki, yaşlı qadın 3 metrlik timsahı güllələyib. Cud Kokxran bildirib ki, 3 il əvvəl rançosundan poni atı yoxa çıxıb. Heyvanın qalıqları tapılmayıb. Amma qadın gərara gəlib ki, onun sevimli ponisini aliqqator yeyib. Cud üç il ərzində ranço ətrafında alliqatoru güdüb. Amma onların hamısı kiçik ölçüdə olub və ehtimal edilən "qatil" üzə çıxmırdı. Bu həftə isə qadın 3 metrdən də böyük bir alliqator görüb. O, tələ qurub və tələyə düşən heyvanı bir güllə ilə öldürüb. Kokxran jurnalistlərə bildirib ki, "nənə ilə zarafat etmək olmaz". Alliqatorun əti yeməyə, dərisi isə ayaqqabıya gedəcək. Onun başından isə suvenir hazırlanacaq. Kokxran may ayında Livinqston şəhərinin meri seçilib.