Nömrələrdəki çiplər ləğv edildi - Bəs qeydiyyat və texniki baxış necə həyata keçiriləcək?

Yeni hazırlanmış dövlət qeydiyyat nişanlarında çip elementlərinin tətbiqi nəzərdə tutulmur. Bəs bu dəyişiklik avtomobil qeydiyyatı və texniki baxış proseslərinə hər hansı təsiri göstərəcək?

Mövzu ilə bağlı danışan nəqliyyat eksperti Eldəniz Cəfərov bildirib ki, çip elementləri indiyə qədər də bu prosedurlarda mühüm rol oynamayıb:

“Onsuz da bugünə qədər həmin ciplərin avtomobil qeydiyyatı və texniki baxış prosedurlarına xüsusi əhəmiyyəti yox idi. Bundan sonra da elə bir təsiri olmayacaq.”
Ekspertin sözlərinə görə, nəqliyyat vasitələrinin qeydiyyatı və texniki baxışı əsasən məlumat bazası üzərindən həyata keçirildiyi üçün çipin mövcudluğu və ya olmaması prosesə təsir göstərmir.(konkret.az)