Ödənişli yollar sıxlığın aradan qaldırılmasına hesablandı - EKSPERT

Məlum olduğu kimi, Prezident İlham Əliyevin imzaladığı "Avtomobil nəqliyyatı ilə müntəzəm sərnişin daşınması sahəsinin təkmilləşdirilməsi ilə bağlı bəzi tədbirlər haqqında" Fərmanına görə, Bakıda ödənişli hərəkət zonaları yaradılacaq. Fərmana əsasən, nəqliyyat vasitələrinin Bakı şəhərinin inzibati ərazisində müəyyən edilmiş ödənişli hərəkət zonalarına daxil olmasına görə haqq ödəniləcək. Bu haqq "İctimai nəqliyyat" Məqsədli Büdcə Fondun maliyyələşmə mənbələrindən biri olacaq. 

Nəqliyyat eksperti Yasin Mustafayev bildirib ki, ödənişli hərəkət zolaqlarının yaradılmasında əsas məqsəd tıxacların aradan qaldırılmasıdır. Qaydalara əsasən, sürücülər boş yerə yanacaq sərf etmədən, vaxt itirmədən, ödəniş edərək yolunu davam etdirə biləcək:

“Qərar əsasən, ödəniş hərəkət zolaqları şəhərin mərkəzi hissəsində həyata keçiriləcək. Bu da tıxacın sıxlığının aradan qaldırılması məqsədi daşıyacaq. Əsas sıxlığın aradan qaldırılmasına hesablanıb. Zolaqlar yaradıldıqdan sonra şəhərin müəyyən zonalarında nəqliyyat axını nizamlanacaq, sürücülərə alternativ vəsaitlə daha rahat hərəkət imkanı təmin ediləcək. Fikrimcə, ödənişli yollar üçün nəzərdə tutulan məbləğ elə də çox olmaz. Ödəniş üsulları-  nağd, kart, POS-terminal və digər texniki tənzimləmələr növbəti mərhələdə  açıqlanacağı gözlənilir”. (525.az)