Oğrunun uğursuzluğu metronu "iflic" etdi

ABŞ-ın Nyu-York şəhərində oğru metronun fəaliyyətində fasiləyə səbəb olub. Avtosfer.az milli.az-a istinadən bildirir ki, 35 yaşlı kişi Brayton səmtindəki küçələrdən birində addımlayan qızın (Louis Vuitton) çantasını qapmağa çalışıb. Lakin qızın yaxınlığındakı dostları və polis nəfəri oğrunu qorxudub. O, polisdən qaçaraq 10 məhəllə qət eddib, metroya düşüb. Perronda ayağı burxulan şəxs relslərin arasına yıxılıb. Polislər onu xilas etməyə çalışsalar da, artıq gec idi. Uğursuz oğru relsdəki yük gərginlikli elektrikdən həlak olmuşdu. Cəsəd platformaya çıxarılana qədər qatarların hərəkəti dayandırılıb. Metro stansiyasındakı sərnişinlər alternativ nəqliyyat qismində avtobuslarla daşınıblar.