Oğuzda 23 yaşlı qadın itkin düşüb - FOTO

Oğuz rayon sakini itkin düşüb. "Report"un Şimal-qərb bürosunun məlumatına görə, 1995-ci il təvəllüdlü Nəbili Lalə Telman qızı mayın 6-da evdən çıxıb və bir daha geri qayıtmayıb.

Onun qardaşı Sahib Nəbiyev "Report"a bildirib ki, L. Nəbili 6 il əvvəl ailə quraraq rayonun Calut kəndinə köçüb. Qadın evdən sonuncu dəfə ata evinə getmək adı ilə çıxıb və onu qayınatası yola salıb. Lakin o, Aşağı Küngüt kəndinə deyil, birbaşa Şəki şəhərinə gedib. L.Nəbili Şəkidə tanıdığı bir qadına xəstə olduğu üçün evə qayıtmaq istəmədiyini bildirib. Bundan sonra naməlum istiqamətə gedib. Tanışları onu sonuncu dəfə Şəki bazarında görüblər.

S.Nəbiyevin sözlərinə görə, bacısı nadir rast gəlinən xəstəlikdən əziyyət çəkir. Kəskin ağrılarla müşahidə olunan xəstəlik nəticəsində Lalədə əsəb pozğunluğu da qeydə alınıb.

Qeyd edək ki, L.Nəbilinin 4 yaşlı qız övladı var. Onu görənlərdən və ya yerini bilənlərdən bu telefon nömrəsi ilə əlaqə saxlamaları xahiş olunur: +994-55-474-64-09