Orta yaşlı kişi bıçaqlanıb - Gəncədə

Gəncə şəhərində yerli sakin bıçaqlanıb. Avtosfer.az “Report”a istinadən xəbər verir ki, 1986-cı il təvəllüdlü Gəncə şəhər sakini Adıgözəlov Elçin Fəxrəddin oğlu döş qəfəsinin kəsilmiş-deşilmiş yarası xəsarəti ilə xəstəxanaya yerləşdirilib. Cərrahiyyə əməliyyatı olunan E.Adıgözəlovun vəziyyətinin orta-ağır olduğu bildirilir. Onun kim tərəfindən və hansı şəraitdə bıçaqlandığı hələ ki, məlum deyil. Faktla bağlı araşdırma aparılır.