Parkda söyüşə görə dava: 1 nəfər bıçaqlanıb - Qaradağda

Qaradağ rayonunda dava zamanı 1 nəfər xəsarət alıb. Avtosfer.az "Report"a istinadən xəbər verir ki, hadisə Lökbatan qəsəbəsindəki parkda qeydə alınıb. Belə ki, 1972-ci il təvəllüdlü Zərbəliyev Elnur Mahmudoviç taksi fəaliyyəti ilə məşğul olan "VAZ-2106" markalı avtomobilin sürücüsü ilə mübahisə edib. Tərəflər arasında mübahisəyə səbəb təhqiredici ifadə olub. Onların mübahisəsi əlbəyaxa dava ilə nəticələnib. Dava zamanı E.Zərbəliyev bıçaqlanıb. Yaralı 1 saylı Kliniki Tibbi Mərkəzə yerləşdirilib. Taksi sürücüsü isə hadisə yerindən avtomobili ilə qaçarkən Qaradağ Rayon Yol Polis Şöbəsinin əməkdaşları tərəfindən saxlanılıb.