Partlayıcı dolu avtomobil partladıldı - 21 ölü

İraqın Anbar əyalətində terror aktı törədilib. Avtosfer.az "Report"a istinadən xəbər verir ki, partlayış İraq-Suriya sərhədi yaxınlığında Əl-Kaim şəhərindəki nəzarət-keçid məntəqəsində qeydə alınıb.  Terror aktı partlayıcı maddə ilə yüklənmiş avtomobil İraq hərbçilərinin yaxınlığında partlayıb. Partlayış nəticəsində, ən azı, 21 nəfər ölüb.  İraq ərazisində fəaliyyət göstərən ekstremist qruplaşmalardan heç biri partlayışa görə məsuliyyəti öz üzərinə götürməyib.