Patrul maşını partladıldı: iki polis öldü

Rusiyanın İnquş Respublikasının Nazran şəhərində polis patrul maşınının partladılması nəticəsində iki polis əməkdaşı ölüb. Avtosfer.az oxu.az-a istinadən xəbər verir ki, ağır yaralanan polislərdən biri xəstəxanaya aparılarkən yolda, digəri isə xəstəxanada ölüb. Bildirilir ki, yerli vaxtla saat 18.30-da naməlum şəxs polis patrul maşınına qumbara atıb. Həmin şəxs hadisə yerindən qaçıb. İlkin məlumata görə, polis əməkdaşları özlərini şübhəli aparan iki nəfərin sənədlərini yoxlamaq istəyiblər. Lakin onlar qaçıb gizlənə biliblər.