Peyklərdən 16 milyon dollar qazanılıb

İqtisadi İslahatların Təhlili və Kommunikasiya Mərkəzinin “İxrac İcmalı”nın 2018-ci ilin oktyabr sayı təqdim olunub. Avtosfer.az xəbər verir ki, icmalda həm də həm də xidmət ixracına yer ayrılıb. Göstərilib ki, 2018-ci ilin yanvar-sentyabr aylarında “Azərkosmos” ASC tərəfindən dünyanın 22 ölkəsinə xidmət (peyk telekommunikasiya xidmətləri və optik peyk xidmətləri) ixrac edilib.  Cari ilin 9 ayında “Azərkosmos” ASC peyk və telekommunikasiya xidmətlərinin  ixracından 16,7 milyon ABŞ dolları məbləğində gəlir əldə edib.  Sentyabr ayında isə “Azərkosmos” ASC-nin xidmət ixracının dəyəri 1,4 milyon ABŞ dolları olub. “Azərkosmos” ASC-nin 2018-ci ilin ilk 9 ayı ərzində xidmət ixracı həyata keçirdiyi əsas ölkələr Fransa, Malayziya, BƏƏ, Almaniya, Gürcüstan və digərləridir.