Piyada zolağı var, amma keçməyə yer yoxdur - Bakıda maraqlı mənzərə - VİDEO

Bakıda çəkilmiş piyada zolağı müzakirələrə səbəb olub. Avtosfer.az xəbər verir ki, söhbət paytaxtın Yasamal rayonu, Abbasqulu ağa Bakıxanov küçəsindən gedir. Bir müddət əvvəl ərazidə piyadaların yolu keçməsi üçün zolaq çəkilib. Lakin zolağı keçdikdən sonra piyadaların hərəkəti davam etmələri nəzərə alınmayıb. Piyada zolağı yoldan təxminən yarım metr hündürdə olan səkiyə dirənir və buradan keçən piyadalar məcbur qalıb yolun kənarı ilə hərəkət edirlər. Vətəndaşlar bildirirlər ki, bu zolaq onlarda çaşqınlıq yaradır.