Polis 10 ton narkotik maddə müsadirə edib

İranın Sistan-Bəlucistan bölgəsində polisin keçirdiyi reyd nəticəsində 10 ton narkotik maddə müsadirə edilib. Avtosfer.az Azərtac-a istinadən xəbər verir ki, Sistan-Bəlucistan bölgəsinə narkotik maddələr qaçaqmalçılıq yolu ilə Əfqanıstandan gətirilir. Onun sözlərinə görə, əldə edilən operativ məlumatlar əsasında əməliyyat hazırlanıb və həyata keçirilib. Əməliyyat zamanı bir sıra evlərdə və bəzi ərazilərdə axtarış aparılıb. Axtarışlar nəticəsində 10 ton narkotik maddə tapılaraq müsadirə edilib. Polis rəisi qeyd edib ki, narkotik qaçaqmalçıları İran ərazisini tranzit kimi istifadə edərək narkotik maddələri Avropa ölkələrinə daşımağa çalışırlar. Rəis qeyd edib ki, ötən illərə nisbətən Əfqanıstanda narkotik maddələrin istehsalı artıb. Bu da qaçaqmalçılıq hallarının artmasına səbəb olub. Hər il İranın Sistan-Bəlucistan bölgəsindən tonlarla narkotik maddə qaçaqmalçılığının qarşısı polis tərəfindən alınır. Bir çox hallarda isə polis və sərhədçilərlə qaçaqmalçılar arasında ölümlə nəticələnən silahlı toqquşmalar da baş verir.