Polis əməkdaşı dünya çempionu oldu – FOTO

Bu yaxınlarda Türkiyənin İstanbul şəhərində karate üzrə doqquzuncu dünya çempionatı keçirilib. “Şobu İppon”, “WKF kumite” və “sambom kumite” versiyaları üzrə keçirilən yarışda 31 ölkənin idmançıları ilə yanaşı ölkəmizin yığma komandası da iştirak ediblər. Yığma komandamızın tərkibində döyüşən DİN-in A.Heydərov adına Sıravi və Kiçik Rəis Heyəti Hazırlayan Məktəbin əməkdaşı, polis serjantı Rəsul Əlizadə bütün rəqiblərini məğlub edərək dünya çempionu adını qazanıb.

Kiçik yaşlarından idmana həvəsi olan Rəsul dəfələrlə respublika çempionu olub. Karate üzrə 2012-ci ildə Dünya çempionatında ikinci yeri tutub, 2014-cü ildə isə Avropa çempionatının qalibi olub.

Zeyni Hüseynov,

DİN Mətbuat Xidmətinin əməkdaşı