Polis əməkdaşı taksi sürücüsünü döydü

Moskvada taksi sürücüsü ilə polis əməkdaşı arasında insident yaşanıb. Hadisə “Beqovaya” metrostansiyası yaxınlığında yaşanıb. Avtosfer.az Ren.tv-yə istinadən xəbər verir ki, hadisə parketmə üstündə baş verib. Mübahisə sonra əlbəyaxa davaya çevrilib və polis əməkdaşı taksi sürücüsünə bir-neçə zərbədə endirib. Moskvanın DİN xidmətindən bildirilib ki, “02” qaynar xəttinə belə bir məlumat daxil olub. Araşdırma aparılıb və məlum olub ki, polis əməkdaşı insident zamanı xidmətdə olmayıb və vətəndaş formasında olub. Hazırda hadisənin baş vermə səbəbi araşdırılır.

Namiq