Polis idarəsi qarşısında atışma: 11 yaralı - FOTO

Türkiyənin Adıyaman şəhərində iki ailə arasında düşən mübahisə qanlı bitib. Avtosfer.az “qafqazinfo”ya istinadən xəbər verir ki, Hocaömər məhəlləsində dava edən tərəflərə polis müdaxiləsindən sonra 2 nəfər saxlanılıb. Bundan sonra Yeşilyurd Polis İdarəsinin qarşısına gedən ailələr burada da dava etməyə davam ediblər. Silahların işə düşdüyü davada ikisi ağır olmaqla 11 nəfər yaralanıb. Hadisə yerinə çoxlu sayda polis qüvvələri və təcili yardım briqadaları cəlb edilib. Yaralılar müxtəlif xəstəxanalara yerləşdirilib. Hadisənin hansı səbəbdən baş verdiyi hələlik bilinmir.