Polis idarəsinə hücum edən şəxslərin əfv olunacağı gözlənilir

Ermənistan hökuməti 2016-cı il yayında Yerevanda polis post-patrul alayının qərargahını ələ keçirmiş “Sasna Tsrer” silahlı dəstəsinin üzvləri, habelə 2015-ci il aprel ayının 24-də kütləvi etiraz aksiyalarını təşkil etməyə görə məhkum olunan şəxslər barəsində əfv layihəsini parlamentə təqdim edib. Avtosfer.az “Report”a istinadən xəbər verir ki, müvafiq qanun layihəsini parlamentə ədliyyə naziri vəzifəsini icra edən Artaq Zeynalyan təqdim edib. O, həmin şəxslərin “zərərçəkənlər və ya onların hüquq varisləri etiraz etməsələr” əfv olunacaqlarını, həmçinin əməllərinin insan ölümünə səbəb olan şəxslərə əfvin şamil edilməyəcəyini deyib. Nazirin sözlərinə görə, cəmi 660 nəfərin əfvi nəzərdə tutulur.